СДСМ: Власта да покаже конструктивност заради работниците, да го поддржи Законот за 600 евра плата

СДСМ ја повика власта да го поддржи предлог-законот за минимална плата од 600 евра, оценувајќи дека граѓаните се соочуваат со раст на цените и сè потежок животен стандард, додека, како што наведуваат, државните функционери продолжуваат со непродуктивни трошоци.

— реклама —

Од партијата соопштија дека синдикалната потрошувачка кошничка веќе надминува 67.000 денари, поради што, според нив, работниците се принудени да излегуваат на протести и да бараат повисоки плати и достоинствен живот.

— реклама —

СДСМ посочува дека нивниот закон за минимална плата од 600 евра е ставен на дневен ред во Собранието и ја повика власта да покаже конструктивност и да го поддржи решението во интерес на работниците.

— реклама —

Според партијата, средствата за зголемување на минималната плата може да се обезбедат преку ребаланс на буџетот и пренамена на средства кои, како што тврдат, се трошат за авион, мебел, нови службени возила, кабинети, патувања, репрезентации и тендери.

— реклама —

„Доста е луксуз на власта, време е парите да се насочат кон работниците“, наведуваат од СДСМ во соопштението.