Од СДСМ велат дека Филипче објавил документи според кои во мај годинава во болницата била утврдена загадена вода со колиформни бактерии, а, според нив, надлежните институции не презеле соодветни мерки.
Партијата наведува дека ова е четврти случај во краток период поврзан со проблеми со квалитетот на водата, потсетувајќи на случаите во Гостивар, Валандово и Крушево.
„Наместо да објаснат зошто пациенти во болница биле изложени на ризик, зошто институциите не реагирале и кој ќе сноси одговорност, од ВМРО-ДПМНЕ одговорија со напади кон Венко Филипче“, се наведува во партиското соопштение.
Од СДСМ поставуваат прашања зошто во болницата имало загадена вода, зошто по откривањето не биле преземени итни мерки и кој ќе сноси одговорност доколку пациентите биле изложени на ризик.
