Се договоиле да му продаде „голф“ за 6.000 евра, купувачот го препродал за 7.300, а не му го исплатил долгот

47-годишен жител на тетовско село пријавил измама во врска со продажба на патничко возило „голф“ со странски регистарски ознаки.

— реклама —

Според пријавеното во СВР Тетово, во мај 2025 година тој се договорил со Б.Ј. од Тетово да му го продаде возилото за 6.000 евра, со рок за исплата од два месеца по царинењето.

— реклама —

Пријавителот го царинил автомобилот на свое име, ги платил сите потребни давачки, а потоа му го предал на купувачот.

— реклама —

Но, како што пријавил, Б.Ј. за кратко време го продал возилото на трето лице за 7.300 евра. Од договорените 6.000 евра, досега му исплатил само 4.500 евра на рати, додека за преостанатите 1.500 евра одбивал да плати и ја прекинал комуникацијата.

Од СВР Тетово информираат дека се преземаат мерки за расчистување на случајот.