Полициски службеници од Полициското одделение Галате го лишиле од слобода 34-годишниот Б.М. од село Топлица, гостиварско, поради сомнение дека се обидел да ограби спортска обложувалница.
Од МВР информираат дека на 18 август околу 12:55 часот, полицијата постапила по пријава според која Б.М. претходно во текот на денот со употреба на сила и соодветен алат ја отворил влезната врата и влегол во спортска обложувалница на улицата „Браќа Ѓиновски“.
Сепак, откако се активирал алармниот систем, тој го напуштил објектот.
Б.М. е задржан во полициска станица, а по целосното документирање на случајот против него ќе биде поднесена соодветна пријава за кривично дело „тешка кражба“ во обид.
