Возач на автобус на ЈСП Скопје пријавил дека бил физички нападнат на автобуска станица во скопската општина Центар, откако претходно едно лице се обидело небезбедно да влезе во автобусот додека бил во движење.
Од МВР информираат дека на 25 август во 20:20 часот во СВР Скопје, 49-годишниот С.С. од Скопје пријавил дека додека ги извршувал работните задачи како возач на автобус на ЈСП Скопје, на автобуска станица на подрачјето на Центар бил физички нападнат од едно лице.
Според пријавеното, лицето претходно се обидело да влезе во автобусот додека тој се движел по булеварот, но возачот не застанал.
Полицијата презема мерки за расчистување на случајот.
