Се огласи човекот на Путин: „Барањата остануваат исти“

Москва не го заострила ставот за решавањето на украинскиот конфликт и нејзините барања остануваат непроменети, изјави помошникот на рускиот претседател Владимир Путин, Јуриј Ушаков, пренесе „Интерфакс“.

— реклама —

„Би рекол дека барањата остануваат исти, немаше никакво заострување. Едноставно би сакале тие барања порано или подоцна да бидат исполнети, а по можност што е можно поскоро“, изјави Ушаков.

— реклама —

Тој додаде дека Москва се надева оти тековниот процес за решавање на конфликтот во Украина порано или подоцна ќе даде позитивен резултат. Според него, договорите постигнати на средбата меѓу Путин и американскиот претседател Доналд Трамп во Енкориџ, на Алјаска, и натаму се суштината на мировниот процес.

— реклама —

Одговарајќи на прашањето дали американската страна го коментира недостигот од напредок во спроведувањето на договорите од средбата на Алјаска и дали тоа значи дека преговорите се враќаат на почетокот, Ушаков рече дека тоа не е случај.

„Не почнуваме од нула. Тоа е суштината на процесот, кој, се разбира, е долготраен, но и сложен“, заклучи тој.