Се предаде Чифлигароски, бизнисменот чии фирми добиваа милионски тендери од РЕК Битола

Бизнисменот Стојан Чифлигароски, кој е осомничен во предметот „Синџир“, се предал на граничниот премин „Свети Наум“. Информацијата ја потврди и Министерството за внатрешни работи.

— реклама —

Од МВР информираат дека на 22 септември, при влез на граничниот премин „Свети Наум“, полициски службеници го лишиле од слобода С. Ч. (44) од Охрид, со живеалиште во Битола.

— реклама —

„Лицето се барало по централна потерница распишана по наредба на Основното јавно обвинителство за гонење на организиран криминал и корупција“, соопштија од МВР.

Чифлигароски е лице под истрага и е опфатен со кривична постапка за „злосторничко здружување“, „даночни затајувања“ и „перење пари и други приноси од казниво дело“.

— реклама —

Директорите на фирмите на Чифлигароски биле осудени откако признале вина во предметот „Синџир“ за даночно затајување и перење пари. Бизнисменот бил осомничен како еден од организаторите на злосторничкото здружување и бил во бегство.

Чифлигароски е бизнисмен од Битола и сопственик на компанијата „СВ Инвест“, која е позната по милионските тендери добиени од РЕК Битола. Компанијата подоцна завршила во стечај.