68-годишен маж од Берово се здобил со тешки телесни повреди при извршување работни задачи во правно лице во Виница.
Случајот бил пријавен на 7 септември во 09:35 часот во ОВР Виница, откако од Општата болница во Кочани било известено дека кај нив бил донесен З.С. со тешки повреди.
Според пријавеното, несреќата се случила додека тој извршувал работни задачи. При истовар на глина со товарно возило „ман“ во депонија за глина во кругот на фирмата, возилото се превртело, при што 68-годишниот маж се здобил со повреди.
На местото на настанот бил извршен увид, а за случајот биле известени јавен обвинител и трудов инспектор.
