Се превртел со моторот на патот Зрновци–Пониква: 18-годишен мотоциклист тешко повреден

На патот Зрновци–Пониква се случила сообраќајна несреќа во која 18-годишен мотоциклист се здобил со тешки телесни повреди, откако мотоциклот со кој управувал се превртел на патот.

— реклама —

Од МВР информираат дека несреќата била пријавена на 16 август 2026 година во 23:00 часот во ОВР Кочани. Несреќата се случила на патот Зрновци–Пониква, во близина на местото викано „Компосара“.

— реклама —

Мотоцикл „Хамачи“ без регистарски ознаки, управуван од Ј.Ј. (18) од селото Тркање, кочанско, се превртел на патот.

— реклама —

Во несреќата тешки телесни повреди добил мотоциклистот, кои биле констатирани во Општата болница во Кочани.

— реклама —

За случајот бил известен јавен обвинител, а увид на местото извршила екипа за увид од ОВР Кочани.