Владата ќе ја укине забраната за увоз и извоз на пченица и брашно, изјави денеска министерот за економија Крешник Бектеши по оствари работен состанок со претставници од мелничко-пекарската индустрија во земјата.
Според Бектеши мелничката индустрија работи одлично во моментов, залихи има и во приватните млинови и во стоковните резерви, а увозот на пченица во целото опкружување е дозволено.
Според Бектеши, одлуката за извоз на брашно веќе се подготвува, а се очекува да биде донесена на следната владина седница.
-Согласно сите податоци, мелничката индустрија работи одлично во моментов. Се отвора простор да ја измениме одлуката за забрана за извоз на брашното која беше воведена поради вонредната состојба, рече Бектеши.
фото: Архива
