Седум без дозвола, четворица пијани - 12 возачи се приведени

Дванаесет возачи се лишени од слобода во изминатото деноноќие на територијата на државата поради безобѕирно управување со моторно возило, соопшти Министерството за внатрешни работи.

— реклама —

Од нив, седум управувале возило без возачка дозвола, при што еден бил повикан на службен разговор во Свети Николе, додека останатите биле приведени во Тетово, Куманово, Делчево, Битола и Кичево.

Дополнително, четворица возачи во Тетово, Куманово, Берово и Ресен биле затекнати како управуваат возило под дејство на алкохол.

— реклама —

Во два случаи, во Скопје и Струга, возачите управувале возило и покрај изречена забрана за управување со патничко возило од Б категорија.

— реклама —

Од МВР информираат дека по целосно документирање на случаите ќе бидат поднесени соодветни кривични пријави.

Полицијата апелира до граѓаните да ги почитуваат сообраќајните правила и прописи.

— реклама —

„Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај“, соопштуваат од МВР.