Седум дена се трага по 38-годишната Јаница Цековска од Делчево

Сè уште се трага по 38-годишната Јаница Цековска, која на 3 октомври се оддалечила од мал групен дом во Градско. Министерството за внатрешни работи информира дека се преземаат мерки за нејзино пронаоѓање, а семејството објавило и нејзина фотографија со цел да се помогне во потрагата.

— реклама —

Според објавените информации, во моментот на исчезнувањето Јаница носела црни тренерки, црн горен дел од тренерка со слика и црни пластични влечки. Таа е висока околу 165 сантиметри, тешка околу 70 килограми и има кратка црна коса.

Од МВР апелираат до граѓаните кои имаат каква било информација за Јаница или ја забележале да ја пријават во најблиската полициска станица.

— реклама —

Во меѓувреме, штипјанецот Зоран Мијалков, родител на деца со попреченост, преку видеообраќање на социјалните мрежи ги повика медиумите да посветат внимание на случајот.

— реклама —

Тој нагласи дека исчезнувањето не смее да остане без поширока реакција, посочувајќи дека родителите на деца со попреченост се загрижени бидејќи слична ситуација може да го снајде секое семејство.

Информацијата за исчезнувањето на Јаница била објавена на 5 октомври. Засега нема понова потврда за нејзината местоположба, а надлежните продолжуваат со преземање мерки за нејзино пронаоѓање.

Се повикуваат сите граѓани што располагаат со релевантни информации да ги пријават во полиција, за надлежните служби да ги проверат и да постапат соодветно.