Седум лица приведени во Скопје, кај нив пронајдени марихуана и прашкасти материи

Седум лица се лишени од слобода во Скопје откако полицијата кај нив пронашла и одзела различни видови материја за која постои сомнение дека е наркотична дрога.

— реклама —

Од СВР Скопје информираат дека во текот на ноќта меѓу 12 и 13 септември, на различни локации во Скопје, полициски службеници ги лишиле од слобода Б.Н. (41), В.Б. (57), И.Д. (40), Х.Б. (34), Л.Ј. (47) и Б.Ц. (18), сите од Скопје, како и Ј.О. (31) од Република Турција.

— реклама —

— реклама —

Кај нив биле пронајдени и одземени марихуана, бела прашкаста материја и кафеава прашкаста материја.

— реклама —

По целосното документирање на случаите, против лицата ќе бидат поднесени соодветни поднесоци.