Седум возачи уапсени поради безобѕирно управување возило

Во текот на изминатото деноноќие, полициски службеници на различни локации во државата лишиле од слобода седум возачи поради сомнение за сторено кривично дело „безобѕирно управување возило“, предвидено во член 297-а од Кривичниот законик, соопшти Министерството за внатрешни работи.

— реклама —

Четворица од нив управувале возила без положен возачки испит. Станува збор за Е.Ф. (18) од селото Студеничани, скопско, Џ.Ј. (23) од Гостивар, Ш.Х. (34) од Битола и А.Ј. (18) од Куманово.

— реклама —

Поради управување возило под дејство на алкохол биле лишени од слобода С.К. (63) од Берово и Д.Т. (24) од Тетово.

— реклама —

Од слобода бил лишен и Г.М. (32) од селото Прибачево, кочанско, кој управувал возило иако имал активна забрана за управување моторно возило од категоријата Б.

По целосното документирање на случаите, против сите седум лица ќе бидат поднесени соодветни кривични пријави.