Шеик му подготви богатство на Новак: Ќе може да заработи двојно повеќе од освојување на Грен слем

Од Саудиска Арабија пристигна најава за голем тениски спектакл наречен „Слем на шест кралеви“, а веќе се зборува за наградниот фонд на турнирот.

— реклама —

Како што е најавено, на овој престижен турнир треба да настапат Новак Ѓоковиќ, Рафаел Надал, Карлос Алкараз, Јаник Синер, Данил Медведев и Холгер Руне.

Како што дознава британски „The Telegraph“, секој учесник треба да добие чек од 1,5 милиони долари, додека победникот би бил побогат за дури шест милиони долари.

— реклама —

Што значи дека Новак Ѓоковиќ би можел да заработи речиси двојно повеќе отколку да го освои УС Опен, чиј фонд е три милиони долари.

— реклама —

Кралското семејство на Саудиска Арабија ќе биде во Ријад и се очекува да ги наполни трибините за тенискиот спектакл.

Овој турнир ќе се организира во средината на АТП сезоната, но датумот се уште не е познат. Најавено е дека тоа ќе биде во октомври, веројатно меѓу Мастерсот во Шангај и Париз.

Исто така, останува да се разјасни во каков формат ќе изгледа натпреварот.