Докажавме дека никој не е света крава. Вака вицепремиерката и министерка за одбрана ја прокоментира истрагата Рекет. Шекеринска се дистанцираше од било каква поврзаност со Меѓународниот сојуз на Боки 13. Вели никој не е над заканот, а истражните органи имаат обврска докрај да го испитаат случајот.
Опозицијата пак секојдневно бара проширување на истрагата. ВМРО-ДПМНЕ тврди дека мозокот на целата операција Рекет треба да се бара во владејачката партија.
Освен дека истрагата е во тек, од обвинителството засега не откриваат други детали. Вчера од невладината Меѓународен сојуз на Боки 13 потврдија дека организацијата не е опфтена со истрагата и ниту еден вработен не е повикан на распит. Осомничени засега се само Боки 13 и Зоки Кичеец кои добија 30 дневен притвор. обвинителството за гонење организиран криминал ги сомничи дека изнудиле 1,5 милиони евра од скопски бизнисмен за да запрат кривична постапка на СЈО.
