Семејни расправии во Тетово и Скопје: Полицијата приведе тројца, еден повикан на разговор

Четири случаи на семејни и меѓусемејни конфликти се евидентирани во Тетово, Јегуновце, Неготино и Скопје, при што полицијата привела или повикала на разговор повеќе лица.

— реклама —

На 12 септември во 21 часот, на улицата „Ленин“ во Тетово, полициски службеници од СВР Тетово лишиле од слобода 43-годишен тетовец. Неговиот 67-годишен татко претходно пријавил дека околу 20:30 часот, во семејниот дом, по вербална расправија, синот агресивно се однесувал, го навредувал и му упатувал закани. При алкотестирањето кај 43-годишникот биле измерени 1,05 промили алкохол во крвта. Тој бил задржан во полициска станица за понатамошна постапка.

— реклама —

Истиот ден во 8:30 часот, полициски службеници од Полициското одделение Јегуновце лишиле од слобода 59-годишен жител на селото Јегуновце. Десет минути претходно неговата 59-годишна сопруга пријавила дека во утринските часови, во семејниот дом, тој во видно алкохолизирана состојба агресивно се однесувал и вербално ја навредувал. При алкотестирањето му биле измерени 0,87 промили алкохол во крвта. Тој бил задржан во Полициската станица Тетово, по што ќе следува соодветен поднесок.

— реклама —

Во 15:15 часот, полициски службеници од Полициското одделение Галате лишиле од слобода 30-годишен жител на селото Неготино поради сомнение за сторено кривично дело „загрозување на сигурноста“. Неговиот 67-годишен татко претходно пријавил дека синот му упатил сериозни закани. Лицето било задржано во Полициската станица Гостивар за понатамошна постапка.

— реклама —

Во Скопје, пак, полициски службеници од СВР Скопје извршиле службен разговор со 26-годишна жена од Скопје, по пријава дека на 11 септември во домот физички ја нападнала својата 56-годишна мајка. Случајот бил пријавен во Полициската станица Бит Пазар, а по неговото целосно документирање ќе следува соодветен поднесок.