Семејно насилство во Битола: 35-годишник ја нападнал сопругата

Полициски службеници од СВР Битола привеле 35-годишен жител на градот, откако бил пријавен дека физички ја нападнал својата сопруга и ѝ нанел повреди.

— реклама —

Од Министерството за внатрешни работи информираат дека на 11 јуни од слобода бил лишен И.П. (35) од Битола, постапувајќи по претходна пријава за семејно насилство.

— реклама —

Според пријавеното, тој физички ја нападнал својата 34-годишна сопруга, при што таа се здобила со повреди.

— реклама —

Осомничениот бил приведен во полициска станица, а по целосно документирање на случајот против него ќе биде поднесена соодветна пријава.

— реклама —

Надлежните институции продолжуваат со преземање мерки за целосно расчистување на сите околности поврзани со случајот.