Серија насилни инциденти во Македонија: Татко го натепал синот, еден маж ги нападнал таткото и сопругата, друг — мајка му

Пет случаи на физички напади и закани биле пријавени во полицијата во текот на 8 ноември, при што во три од нив осомничените биле лишени од слобода, информира Министерството за внатрешни работи.

— реклама —

Во делчевско село, полицијата го привела 45-годишниот А. Л., по пријава дека физички го нападнал својот 13-годишен син. За случајот бил известен јавен обвинител.

— реклама —

Во Гостивар, 35-годишниот Х. Д. бил лишен од слобода по пријава од неговиот 70-годишен татко. Според пријавеното, по претходна расправија во семејниот дом, тој физички ги нападнал татко му и неговата сопруга.

Полицијата во Тетово го привела и 24-годишниот П. А. од тетовско село, откако неговата 49-годишна мајка пријавила дека ја нападнал во семејниот дом по претходна расправија. Тој бил задржан во полициска станица.

— реклама —

Во Скопје биле пријавени уште два случаи. Триесетгодишен скопјанец пријавил дека бил физички нападнат на подрачјето на Шуто Оризари, а друго лице му упатувало закани. Во одделен случај, 22-годишен скопјанец пријавил дека бил физички нападнат од 20-годишен сограѓанин на подрачјето на Драчево.

— реклама —

Од МВР информираат дека по целосното документирање на сите случаи ќе следуваат соодветни пријави.