Шест лица загинаа во пукотница во центар за грижа за млади во Германија

Шест лица го загубија животот во вооружен напад што се случи во Центар за грижа за млади во германскиот град Штаде, во покраината Долна Саксонија, јавуваат германските медиуми.

— реклама —

Според информациите, пет лица починале на местото на нападот, додека уште едно лице им подлегнало на тешките повреди во болница.

— реклама —

Германската полиција соопшти дека сите жртви се наоѓале во зградата на центарот. Четири жени и еден маж биле пронајдени мртви на местото на настанот, додека едно лице починало за време на обидите за реанимација, а шестата жртва подоцна им подлегнала на повредите во болница.

Полицијата го уапсила главниот осомничен за нападот, за кого германските медиуми наведуваат дека е маж. Дополнително, приведени се уште две лица, од кои едното е жена, но засега не е утврдено дали тие се поврзани со нападот.

— реклама —

Според магазинот „Шпигел“, истражителите засега не го соопштуваат мотивот за злосторството, но ја исклучиле можноста за поврзаност со организиран криминал. Првичните информации упатуваат на тоа дека нападот би можел да биде поврзан со семејно насилство.

— реклама —

Локалната полиција преку социјалните мрежи ги повика граѓаните да ја избегнуваат областа околу Центарот за грижа за млади додека трае истрагата.