Шест возачи лишени од слобода: без дозвола и пијани зад волан

Полицијата во текот на изминатото деноноќие лишила од слобода шест возачи поради безобѕирно управување со моторно возило, при што дел од нив управувале без возачка дозвола, а дел под дејство на алкохол.

— реклама —

Од МВР информираат дека четворица од приведените возеле без возачка дозвола – двајца во Битола, еден во Скопје и еден во Гевгелија. Еден од возачите во Битола претходно предизвикал сообраќајна незгода, откако удрил во паркирано возило.

— реклама —

— реклама —

Двајца возачи биле лишени од слобода поради управување возило под дејство на алкохол – еден во Струга и еден во Струмица. Возачот во Струмица притоа излетал од коловоз и предизвикал сообраќајна незгода.

— реклама —

По целосно документирање на случаите ќе бидат поднесени соодветни кривични пријави.