Досието за вработување на сестрата на Катица Јанева- Лиле Делиџакова наскоро под лупа на Антикорупциска. Од Комисијата за хартии од вредност, каде што е вработена Делиџакова за Тв24 потврдуваат дека го добиле барањето и не само за Делиџакова, ќе ги испратат сите досиеа за членовите во регулаторното тело.
„На 6-ти декември, во петокот добивме барање од Комисијата за спречување на корупција и ние ќе го испочитуваме тој рок и во наредните денови ќе ги испратиме сите документи од договорите за вработувања, биографиите и одлуките.“ - велат од Комисија за хартии од вредност
Вработувањето на Делиџакова доаѓа на дневен ред во Антикорупциска по анонимна пријава во која како спорни аргументи се наведуваат документите со кои конкририрала за работното место, но и сомнеж за сертификатот за англиски јазик, велат извори од Комисијата. Според документите кои се уште се јавно објавени на собранискиот сајт, таа е предложена од Владата, со потпис на премиерот Зоран Заев.
