Северина најави голем концерт во Љубљана, а билетите брзо се распродаваат

Северина го најави концертот „Ја само пјевам“, што ќе се одржи на 14 ноември во арената Стожице во Љубљана, а интересот за настапот е огромен и во продажба останале уште мал број билети.

— реклама —

По тој повод, Северина организираше дружење со новинарите во Љубљана, каде што се појави во впечатливо црвено одело украсено со голем цвет и црвена чанта.

Пејачката неколкупати истакна колку ѝ значи словенечката публика, за која рече дека е една од најдобрите пред кои настапувала.

— реклама —

„Кога ќе дојдам во Љубљана, тука се чувствувам како дома“, изјави Северина.

— реклама —

Таа зборуваше и за емоциите што ги носи музиката и јазикот, нагласувајќи дека изразите на љубов на овие простори звучат поискрено од англиските фрази.

За концертот во Стожице најави поемотивен и поинтимен настап, без танчери и големи сценски акробации, но со богата продукција и дури 30 музичари, меѓу кои и гудачка и дувачка секција.

„Кога ќе застанам на сцена, не сакам да размислувам. Сакам само да го почувствувам моментот и енергијата на луѓето“, порача пејачката.