Шелтон воодушевен од Алкарас: Не познавам подобар човек на тенискиот терен

Американскиот тенисер Бен Шелтон упати пофални зборови за Карлос Алкарас, откривајќи дека лично го известил шпанскиот тенисер за почетокот на соработката со неговиот поранешен тренер Хуан Карлос Фереро, уште пред веста да биде објавена во јавноста.

— реклама —

Шелтон објасни дека сметал оти е коректно Алкарас прв да дознае за новата соработка, имајќи предвид дека Фереро со години беше негов тренер и ментор, со кого ги постигна најголемите успеси, пред нивниот ненадеен прекин на соработката во декември минатата година.

„Секако, го контактирав пред веста да стане јавна. Сакав лично да го известам бидејќи знам колку долго траеше и колку успешен беше нивниот однос“, изјави Шелтон за „Тенис канал“.

— реклама —

Американецот откри и дека реакцијата на Алкарас дополнително го воодушевила.

— реклама —

„Не познавам подобар човек на тенискиот терен од Карлос Алкарас. Веднаш ми одговори откако го освои турнирот во Виена. Ми рече дека навистина е среќен за мене и дека мојата игра многу ќе напредува со соработката со Хуан Карлос“, раскажа Шелтон.

Тој смета дека токму ваквиот однос го издвојува Алкарас не само како шампион, туку и како личност која му е потребна на тенисот.

— реклама —

Интересно е што двајцата тенисери ќе се соочат во финалето на мастерс-турнирот во Париз, закажано за недела од 15 часот. За Шелтон, тоа ќе биде нов предизвик во пресрет на следната фаза од кариерата, во која ќе соработува со човекот што со години беше еден од најважните членови на стручниот тим на неговиот противник.