Шест возачи приведени во текот на деноноќието, четворица возеле без возачка дозвола

Во текот на изминатото деноноќие, полициски службеници на различни локации во државата лишиле од слобода шест возачи поради сомнение за сторено кривично дело „безобѕирно управување возило“, согласно член 297-а од Кривичниот законик.

— реклама —

Од МВР информираат дека четворица од приведените управувале возило без положен возачки испит. Станува збор за С.И. (30) од Скопје, Е.Б. (18) од Тетово, А.А. (18) од Струга и М.П. (19) од прилепско.

— реклама —

— реклама —

Дополнително, двајца возачи биле затекнати како управуваат возило под дејство на алкохол. Тоа се Д.А. (62) од светиниколско и Н.Н. (50) од Ресен.

По целосното документирање на случаите, против сите шест лица ќе бидат поднесени соодветни кривични пријави.