Шест возачи приведени за безобѕирно управување со возило, четворица немале возачка дозвола

Шест лица биле лишени од слобода во текот на изминатото деноноќие на различни локации во Македонија поради сомнение за сторено кривично дело „безобѕирно управување со моторно возило“, соопшти Министерството за внатрешни работи.

— реклама —

Четворица од возачите управувале возило без положен возачки испит. Станува збор за 29-годишниот М.И. од Сарај, 49-годишниот С.Б. од Јурумлери, 23-годишниот А.А. од Струга и 37-годишниот И.М. од Стојаково, Општина Богданци.

— реклама —

— реклама —

Дополнително, 49-годишниот Р.Ш. од Кукуречани, битолско, управувал возило под дејство на алкохол, додека 35-годишниот Л.К. од Велешта, струшко, бил затекнат зад воланот и покрај активната забрана за управување со моторно возило.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.