Шест возачи биле лишени од слобода, а со уште едно малолетно лице бил извршен службен разговор, поради сомнение за сторено кривично дело „безобѕирно управување возило“ по член 297-а од Кривичниот законик, соопшти Министерството за внатрешни работи.
Од слобода биле лишени Б.Е. (33) од скопско и С.Д. (36) од Тетово, бидејќи управувале возила без положен возачки испит. Во истата категорија прекршител на законските прописи е и 16-годишник од Свети Николе, со кого полицијата извршила службен разговор.
А.У. (42) од тетовско бил лишен од слобода затоа што управувал возило и покрај активната забрана за управување со возило од Б категорија.
Поради управување под дејство на алкохол биле лишени од слобода Д.Д. (33) од Тетово, К.Н. (33) од скопско и Х.Х. (30) од Албанија.
Од МВР информираат дека по целосното документирање на случаите ќе бидат поднесени соодветни кривични пријави.
