Шест загинати и седум повредени во пожар во куќа во Бруклин

Шест лица го загубија животот, а седуммина се повредени во голем пожар што избувнал рано утринава во двокатна куќа во Бруклин, Њујорк, САД, соопштија градските противпожарни служби.

— реклама —

Пожарот избувнал околу 1:40 часот по локално време во станбен објект во населбата Сансет Парк. На местото веднаш биле испратени повеќе од 200 припадници на итните служби, а огнот бил ставен под контрола по околу три часа, пренесува „Еј-Би-Си њуз“.

— реклама —

Четири лица загинале на самото место, додека две други, кои се здобиле со тешки повреди, починале подоцна во болница. Меѓу повредените има и тројца пожарникари со полесни повреди. Повредени се и уште четири лица, но нивните животи не се во опасност.

— реклама —

Истражителите за пожари започнале истрага за да ги утврдат причините за избувнувањето на огнот.

— реклама —