Што се случува? Дали Германија навистина ќе влезе во војна? Специјалните сили се на нозе

Нов безбедносен инцидент во Германија предизвика ангажирање на специјални полициски единици, откако пред седиштето на компанијата за производство на оружје „Роде и Шварц“ во Минхен биле фрлени запаливи направи.

Според Баварската државна криминалистичка полиција, постои сомнеж дека станува збор за обид за напад. Двајца бугарски државјани, маж на 38 и жена на 28 години, биле уапсени и се проверува дали се поврзани со инцидентот.

— реклама —

Направите, според досегашните информации, биле фрлени од автомобил врз градилиште околу полноќ. Најмалку една од нив предизвикала пожар, кој бил локализиран од полицијата, додека специјални единици морале да ја деактивираат втората направа.

Компанијата чие седиште се наоѓа во близина на местото на инцидентот произведува технологии за безбедност и комуникации за државни институции и војската, како и системи за радионадзор, безбедносни скенери и технологии за сајбер-безбедност.

— реклама —

Инцидентот се случува во период на зголемена загриженост во Германија поради серија напади и саботажи врз критичната инфраструктура.

— реклама —

Само ден претходно била оштетена трафостаница во близина на Келн, по што поради оштетување на високонапонски кабли од електричната мрежа биле исклучени неколку блокови на термоелектраната Бергхајм. Полицијата соопштила дека случајот се истражува како дејствие насочено против уставниот поредок на Германија.

Во последните месеци во Берлин и во западниот дел од земјата се регистрирани и други напади врз електроенергетската инфраструктура и железничкиот сообраќај. Во дел од случаите одговорност презела левичарска екстремистичка мрежа.

— реклама —

Германските власти истовремено предупредуваат и на таканаречено хибридно дејствување, за кое веруваат дека е поврзано со Русија. Германската влада неодамна ја обвини Москва за напад на аеродромот во Лајпциг и најави нови санкции, меѓу кои и затворање на рускиот конзулат во Бон.

Сепак, засега нема потврда дека денешниот инцидент во Минхен е поврзан со некоја од овие активности.