(Видео) Си-Ен-Ен: Американската амбасада во Кувајт погодена два дена по ред

Американската амбасада во Кувајт била погодена во напади вчера и денеска за време на иранското бомбардирање на земјата, тврдат извори на CNN запознаени со ситуацијата.

— реклама —

Според изворот и еден американски функционер, нема повредени лица. Засега не е јасно дали зградата претрпела значителна материјална штета. Денеска во близина на амбасадата бил забележан чад.

— реклама —

Во безбедносно предупредување објавено денеска, амбасадата навела: „Постои континуирана закана од ракетни напади и напади со беспилотни летала над Кувајт.“

— реклама —

„Не доаѓајте во амбасадата. Засолнете се во вашиот дом на најнискиот достапен кат и подалеку од прозорци. Не излегувајте надвор“, стои во предупредувањето.

Во дополнително безбедносно соопштение се наведува дека, поради актуелните регионални тензии, американската амбасада во Кувајт ги откажала сите термини за американски визи и конзуларни услуги за американски државјани до понатамошно известување.