Син го нападнал татко му, па го бркал со автомобил

56-годишен штипјанец е лишен од слобода под сомнение дека физички го нападнал својот 79-годишен татко, а потоа со автомобил се обидел да го исфрли од коловозот.

— реклама —

— реклама —

Според МВР, инцидентот се случил на 24 октомври, по кратка расправија меѓу таткото и синот. По нападот, 79-годишникот се обидел да побегне со своето возило, но синот го следел со автомобил и го удрил со намера да го исфрли од патот.

— реклама —

Г.Т. бил лишен од слобода на 26 октомври во 14:45 часот во Штип. За случајот бил известен јавен обвинител, а по целосното документирање ќе следува соодветна пријава.