Триесет и едногодишен скопјанец е лишен од слобода под сомнение дека со нож го усмртил својот татко по семеен инцидент што се случил синоќа во Скопје, информира Министерството за внатрешни работи.
Според информациите, настанот се случил околу 22:35 часот во семејниот дом на подрачјето на Бит Пазар. Според пријавеното, 52-годишниот Е.Л., кој бил под дејство на алкохол, физички ја нападнал својата 54-годишна сопруга.
По нападот, нивниот 31-годишен син Б.Џ. со нож му нанел повеќе убодни рани на таткото, од кои тој починал.
Полициски службеници од СВР Скопје околу 23 часот го лишиле од слобода осомничениот, додека повредената жена била пренесена во Градската општа болница „Свети Наум Охридски“ за укажување лекарска помош.
По наредба на јавен обвинител, телото на починатиот е предадено на обдукција. По целосното документирање на случајот, против осомничениот ќе биде поднесена соодветна кривична пријава.
Според информации на „Скопје1“, син го заклал својот татко. При интервенција на Итната медицинска помош било неуспешно да го спасат.
