40-годишен маж е лишен од слобода во Делчевско по пријава дека подолг период физички ја напаѓал и ѝ се заканувал на својата 59-годишна мајка.
Според МВР, А.З. во последниот период неколкупати ја нападнал мајка си во семејниот дом во селото. Претходно во текот на денот агресивно се однесувал кон неа и ја заклучил во собата.
Полициски службеници од ОВР Делчево го лишиле од слобода на 12 август во 21:10 часот.
При преземањето мерки било утврдено дека бил под дејство на алкохол, при што му биле измерени 3,08 промили алкохол во крвта.
А.З. бил задржан во полициска станица, а по целосното документирање на случајот против него ќе биде поднесена соодветна пријава.
