Синдикатот на културата на Република Македонија најави протест по велигденските празници со цел да го изрази својот револт бидејќи како што велат колективниот договор е под сериозен удар.
„Колективниот договор за култура е под сериозен удар.
Уставниот суд поведе постапка за оценување на неговата уставност во целина.
Оваа постапка директно ги засега правата, платите и работната сигурност на културните работници.
Синдикат на културата на Република Македонија , согласно Одлуките на Советот, ќе го изрази својот револт преку организиран протест по велигденските празници, а воедно ќе ја започне и постапката за организирање генерален штрајк во културата, кој е најавен за месец мај“, велат од СКРМ.
