Скопјанец превезувал 43 мигранти, но удрил во патарина, па побегнал

Вчера на автопатот Куманово – Скопје, на наплатна станица Миладиновци, товарно возило со скопски регистарски ознаки, управувано од засега непознат возач, удрило во бетонски столб на една од кабините.

— реклама —

— реклама —

По незгодата, возачот побегнал од местото,а при преглед во возилото, во товарниот дел биле пронајдени 43 лица мигранти од кои 13 од Бангладеш, 11 од Пакистан, 10 од Сирија, пет од Авганистан и четири од Турција.

— реклама —

— реклама —

Во незгодата, едно лице се здобило со телесни повреди. За настанот бил известен Јавен обвинител, а мигрантите биле сместени во прифатниот центар „Винојуг“ во Гевгелија. Се преземаат мерки за расчистување на случајот.