Четириесет и седумгодишен скопјанец е лишен од слобода во Галичник откако при полициски преглед кај него биле пронајдени повеќе видови материи, информира Министерството за внатрешни работи.
На 5 септември во 19 часот, полициски службеници од ОВР Гостивар го привеле Д. Е. (47) од Скопје на паркинг-простор во село Галичник.
При прегледот кај него биле пронајдени и одземени марихуана, шест пакувања со бела прашкаста материја и едно пакување со халуциногени печурки.
Лицето било задржано во полициска станица за понатамошна постапка. Од МВР информираат дека по целосното документирање на случајот против него ќе следува соодветен поднесок.
