Скопјанец приведен во прилепско: Во автомобилот пронајдени македонски рубини, марихуана и над 489 илјади денари

Триесетгодишен скопјанец бил лишен од слобода во прилепското село Беровци, откако полицијата при контрола на неговото возило пронашла повеќе видови минерали, марихуана и поголема сума пари.

— реклама —

Како што информира МВР, случајот се случил на 9 ноември 2025 година, околу 23:10 часот. Полициски службеници од Полициската станица за граничен надзор „Старавина“ при Регионалниот центар за гранични работи „Југ“ го запреле возилото „киа“ со скопски регистарски ознаки, управувано од К.С. (30).

— реклама —

— реклама —

При прегледот биле пронајдени и одземени 61 парче минерален камен со различна големина, 59 парчиња македонски рубин, едно парче амазонит, едно парче титаниум оксид, марихуана, 489.720 денари во различни апоени и десет банкноти од по 200 евра.

— реклама —

Лицето е задржано во ОВР Прилеп, а по целосното документирање на случајот против него ќе биде поднесена соодветна пријава, соопшти МВР.