Триесет и осумгодишен скопјанец е лишен од слобода по пријава од неговиот 63-годишен татко дека му упатувал закани со остар предмет и ја оштетил покуќнината во семејниот дом.
Според информациите од МВР, на 18 август во 17:15 часот, полициски службеници постапиле на подрачјето на Кисела Вода и го привеле А.Ј. (38).
Претходно, неговиот татко пријавил дека околу 16 часот во семејниот дом, А.Ј. со остар предмет му упатувал закани, при што искршил дел од покуќнината.
По целосното документирање на случајот, против него ќе следува соодветен поднесок.
