Скопјанец управувал автомобил без да има возачка

Полициски службеници од СВР Штип привеле 25-годишен скопјанец откако било утврдено дека управувал автомобил без воопшто да има положено возачки испит.

— реклама —

Како што информира Министерството за внатрешни работи, на 11 јуни околу 13:00 часот на улицата „Брегалничка“ во Штип, при редовна сообраќајна контрола било запрено патничко возило „ауди“ со скопски регистарски ознаки, управувано од Ќ.И. (25) од Скопје.

— реклама —

— реклама —

При проверката, полициските службеници констатирале дека возачот го управувал возилото без претходно да има положено возачки испит и без да поседува возачка дозвола.

— реклама —

Од МВР соопштија дека по целосно документирање на случајот, против него ќе биде поднесена соодветна пријава.