Скопското претпријатие „Водовод и канализација“ ќе користи услуги со опис „обука и симулации во врска со огнено оружје и муниција“, која јавна набавка ја доби најповолен понудувач. Според Системот за јавни набавки, претпријатието чија дејност е водоснабдување, направена е одлука за најповолна понуда.
Набавката ја доби Комората за приватно обезбедување, која ќе овозможи користење на услугата „гаѓање на стрелиште“. Проценета вредност на набавката со ДДВ е 177.000 денари, кои ќе треба да ги плати претпријатието.
[caption id="attachment_258840" align="alignnone" width="1000"]
Принтскрин од страницата за јавни набавки[/caption]
Засега не е познато зошто е потребна набавката на вакви услуги. „Скопје1“ испрати прашања до портпаролката на претпријатието, како и до директорот Драган Илиевски, со кои бараме одговори, кој и зошто ќе посетува вакви обуки. Оттаму, очекуваме одговор.
Инаку, изминатиот период, претпријатието беше актуелно и по турканиците помеѓу членовите на Управниот одбор и обезбедувањето. Причината беше заклучена сала.
Драмите во „Водовод“ немаат крај: Избила тепачка за заклучената канцеларија
Обезбедувањето на скопски „Водовод“ и членови на Управниот одбор, се степале поради канцеларија за држење состаноци. Случајот е пријавен и во полиција, од каде велат дека го расчистуваат случајот. И ова не е првпат канцеларијата да биде проблем помеѓу двата табори. И претходно, таа беше заклучена, а состанокот беше воден во ходник. Се сѐ случувало околу пладне.„На 03.11.2023 година во 13.30 часот лице од Управен одбор на ‘Водовод’ пријави дека во просториите на ‘Водовод’ дошло до нарушување на јавниот ред и мир. Полициски службеници од ПС Центар се упатени за расчистување на случајот“, велат од Министерството за внатрешни работи.Минатиот месец, состанокот на Управниот одбор се одржа во ходник. Имаа и за цел да го разрешат директорот Драган Илиевси, по чија наредба е заклучена спорната канцеларија. Членовите на Управниот одбор се со различни ставови од оние кои ги има градоначлничката Данела Арсовска и актуелниот директор.
Скопје | пред 2 години
