Стив Кларк поднесе оставка на местото селектор на Шкотска.
Само еден месец откако потпиша нов четиригодишен договор со островската репрезентација, тој донесе одлука веднаш да се повлече по математичката елиминација на Шкотска во групната фаза од натпреварувањето.
Кларк ја напушта клупата како најуспешен шкотски селектор во модерната историја. Во текот на седум години на функцијата (од мај 2019 година), го трансформираше националниот тим и го врати на големата мапа на светскиот фудбал. Ја одведе Шкотска на Мундијал првпат од 1998 година и успешно ја квалификуваше репрезентацијата на Евро 2020 и Евро 2024.
Тој го презеде тимот кога беа во четвртиот шешир на ждрепката за квалификации, а ги доведе до вториот шешир и првата позиција во квалификациската група за овој Мундијал.
„Најемотивниот дел од ова збогување е поврзан со моите играчи, без кои не би ги создале сите овие спомени од 2019 до денес. Заслужуваат сите пофалби и беше вистинска чест да бидам нивен селектор. Ви благодарам и среќно на мојот наследник“, рече тој.
