Слобода за обвинетите за второобвинетиот Ремзи Мифтари и третообвинетиот Игор Ѓорѓиевски во случајот „Ласкарци“ побараа адвокатите во завршните зборови во Кривичниот суд во Скопје, на што се согласија и нивните клиенти. Не гледаат вина кај себе. Според нив, ниту еден доказ не докажал дека се исполнува обвиението што му се става на товар на обвинетиот.
„Ниту еден доказ не значи дека го исполнуваат битието на обвинението што му се става на товар. Бараме ослободителна пресуда бидејќи јавниот обвинител не докажа надвор од разумно сомнение дека го сторил делото“, рече адвокатката Сузана Абдурахими, бранителка на второобинетиот Ремзи Мифтари, одговорен за транспорт во фирмата „Дурмо Турс“
Обвинителот Јакимовски, претходно, побара најстрога казна за обвинетите за автобуската несреќа што се случи во 2019 година кај Ласкарци. Според него, кај сите обвинети постоела безобзирност во постапувањето и било прашање на време само по која основа, како што рече „хаосот на работењето може да резултира со вакви или слични последици“.
Најтешка казна тогаш побараа и оштетени, родители и роднини на загинати во сообраќајната несреќа.
