Смртоносна експлозија во Москва: осомничен активирал експлозив пред полициска контрола

Три лица, меѓу кои и двајца припадници на сообраќајната полиција, загинаа во експлозија што се случила на југот од Москва, соопшти Истражниот комитет на Русија.

— реклама —

Според официјалните информации, полицајците забележале сомнително лице во близина на службено возило и му се доближиле со намера да го приведат. Во тој момент, осомничениот активирал експлозивна направа, по што дошло до силна експлозија.

— реклама —

— реклама —

Во инцидентот на лице место загинале двајцата полицајци, како и уште едно лице. Надлежните служби веднаш излегле на терен, а истрагата за утврдување на сите околности и мотиви зад нападот е во тек.

— реклама —

Руските власти засега не соопштуваат дополнителни детали за идентитетот на напаѓачот или за можната поврзаност на настанот со други безбедносни инциденти.