41-годишна жена од Кавадарци е лишена од слобода откако нејзината 75-годишна свекрва пријавила дека ѝ се заканувала во нејзиниот дом, информираат од Министерството за внатрешни работи.
Според МВР, настанот бил пријавен на 3 август околу 22:00 часот, по што полициски службеници од ОВР Кавадарци ја привеле Д.П. (41).
За случајот бил известен јавен обвинител, а жената е задржана во полициска станица. По целосно документирање на настанот, против неа ќе биде поднесена соодветна пријава.
