Снег ја покри пустината Атакама: Несекојдневна глетка во Чиле

Несекојдневна глетка е забележана во пустината Атакама во Чиле, каде што обилни снежни врнежи покрија делови од еден од најсушните региони во светот.

— реклама —

Сателитските снимки објавени од американската вселенска агенција НАСА покажуваат снежна покривка во делови од Атакама, како и на висорамнината Чахнантор во северниот дел на Чиле.

На оваа висорамнина се наоѓа и големиот радио-телескопски комплекс АЛМА, чие функционирање било привремено прекинато поради снегот и силните ветрови.

— реклама —

Иако снегот не е целосно непозната појава во овој регион, овојпат погоденото подрачје е особено големо.

— реклама —

Според НАСА, обилните снежни врнежи биле предизвикани од одвоен систем на низок воздушен притисок кој над северниот дел на Чиле се судрил со област со влажен воздух.

Пустината Атакама е позната како едно од најсувите места на Земјата, поради што снежната покривка создаде особено необична глетка.

— реклама —