Иако судијката Васка Николовска-Масевска одлучи јавноста, односно медиумите да не слушнат што има во снимките кои се доказ во „Рекет“ поради приватни разговори, според адвокатот Сашо Дуковски кој е бранител на Бојан Јовановски-Боки13, немало такво нешто.
„Во конкретниот случај, ние сметаме дека доказната вредност на ова е нула. Ниту има кој со кого разговара, некакви разговори... Најважно од се е дека нема никаква приватност, а не дај Боже и некаква заштита на приватноста. Да имаше такво нешто, ние ќе го баравме. Час и половина скоро трае разговорот, со некое лице кое не е во диспозитивот на обвинителниот акт, ниту има некаква врска со овој предмет“, рече Дуковски по излегувањето.
