Со 1,56 промили алкохол во крвта предизвикал сообраќајка во Кичево

Шеесет и двегодишен жител на Кичево бил лишен од слобода откако под дејство на алкохол предизвикал сообраќајна незгода на улицата „Магистрален пат“ во Кичево.

— реклама —

Како што информираат од СВР Охрид, на 17 јуни полициски службеници од ОВР Кичево го привеле М.Ц. (62) од Кичево, кој управувал патничко возило „шевролет“ со кичевски регистарски ознаки.

— реклама —

— реклама —

По извршеното алкотестирање кај него биле измерени 1,56 промили алкохол во крвта, по што веднаш бил исклучен од сообраќај.

— реклама —

По целосно документирање на случајот, против него ќе биде поднесена кривична пријава по член 297-а од Кривичниот законик за „Безобѕирно управување со моторно возило“.