Педесетгодишен маж од селото Неготино бил приведен откако бил затекнат како пеш се движи по автопатот Гостивар–Тетово, информираат од Министерството за внатрешни работи.
Според МВР, на 3 август околу 2:30 часот, полициски службеници од Полициското одделение за безбедност на патниот сообраќај Гостивар го забележале лицето О.А. кај клучката „Тучевиште“ како се движи по коловозот.
Кај него било извршено алкотестирање, при што било утврдено присуство на 1,65 промили алкохол во крвта. Од МВР додаваат дека при преземањето на службените дејствија, тој ги омаловажувал полициските службеници.
Лицето било задржано во полициска станица, а по целосното документирање на случајот против него ќе бидат поднесени соодветни пријави.
