Со 1,68 промили алкохол зад воланот: Приведен 26-годишен возач во Тетово

Дваесет и шестгодишен возач од тетовското село Брвеница е лишен од слобода откако полициска контрола утврдила дека управувал возило под дејство на алкохол.

— реклама —

Според Министерството за внатрешни работи, на 5 јули околу 9:45 часот, на улицата „Илинденска“ во Тетово, полициски службеници запреле патничко возило „ауди“ со тетовски регистарски ознаки, управувано од Ј.С. (26).

— реклама —

При извршеното алкотестирање било утврдено дека возачот имал 1,68 промили алкохол во крвта.

— реклама —

Во 10:00 часот тој бил лишен од слобода поради сомнение за сторено кривично дело по член 297-а од Кривичниот законик. Возачот е задржан во Полициската станица Тетово, а неговото возило е привремено одземено.

— реклама —

По целосното документирање на случајот, против него ќе биде поднесен соодветен поднесок.