Четириесет и осумгодишен битолчанец бил лишен од слобода откако полицијата го затекнала како управува мопед под дејство на алкохол.
Од Министерството за внатрешни работи информираат дека на 18 август во 15:39 часот, на улицата „Македонска фаланга“ во Битола, полициски службеници од СВР Битола извршиле контрола во сообраќајот и го сопреле мопедот со битолски регистарски ознаки, управуван од Ј.Н. (48) од Битола.
При контролата било утврдено дека возачот управувал под дејство на алкохол. Со мерењето биле регистрирани 2,23 промили алкохол во крвта.
Ј.Н. бил лишен од слобода, а од МВР информираат дека по целосното документирање на случајот ќе следува соодветна пријава.
