Со 2,23 промили алкохол управувал мопед низ Битола, 48-годишник приведен

Четириесет и осумгодишен битолчанец бил лишен од слобода откако полицијата го затекнала како управува мопед под дејство на алкохол.

— реклама —

Од Министерството за внатрешни работи информираат дека на 18 август во 15:39 часот, на улицата „Македонска фаланга“ во Битола, полициски службеници од СВР Битола извршиле контрола во сообраќајот и го сопреле мопедот со битолски регистарски ознаки, управуван од Ј.Н. (48) од Битола.

— реклама —

— реклама —

При контролата било утврдено дека возачот управувал под дејство на алкохол. Со мерењето биле регистрирани 2,23 промили алкохол во крвта.

— реклама —

Ј.Н. бил лишен од слобода, а од МВР информираат дека по целосното документирање на случајот ќе следува соодветна пријава.